N dai kaw South Africa mungdan Cape Town ngu ai Myo kaba kaw na mying gumhkawng ai Lion's Bum langai mi re. N dai Cape Town kaw sa chyai ai Maigan masha kadai mung n dai Bum kaw du hkra sa chyai lung ma ai.Dai Bum gaw anhte Jinghpaw mung a Bum ni hte gaw shai ai,, hpa na nga jang n lung Bum re. Raitim grai lung pyaw hkra galaw da ai shara re. Shanhte ni gaw n dai Bum hpe Hkamja lam a matu shani shagu lam hkawm lung ma ai. Lani mi hta gaw marai 1000 jan hkra lung ma ai re.
Ngai mung anhte a mungdan na Bum ni hpe masha ni chye hkra sa hkawm chyai ai shara byin hkra gara hku galaw na ngu ai hpe myit nga ai. Raitim yawng hkra myithkrum yang she Bum ni, Hka shi ni hpe mai htawt galaw ai. Dai majaw ngai hku nna hpyi nem ai gaw nang ngai yawng Anhte a Bum layang ni Tsawm hkra gara hku galaw yang mai na nga ai hpemyit sa wa ga.
No comments:
Post a Comment